WAFUGAJI SAMAKI TANA RIVER KUFAIDI SOKO MBADALA LA SAMAKI

-

NA DENNIS MAITHYA


Wafugaji wa samaki kaunti ya Tana River sasa watapata fursa ya soko jipya la bidhaa zao baada ya kufanyiwa  mafunzo ya njia mbadala za uuzaji wa nyama ya samaki kwa wateja wa ndani na nje ya kaunti.

Kwa mujibu wa Numias Kiti, mkufunzi wa maswala ya uvuvi  kutoka shirika la Farm Africa , wakulima 112 wamepewa mafunzo ya kiufundi kuhusu ufugaji wa samaki huku wengine 105 wakipewa mafunzo ya kibiashara.

Numias kiti -mkufunzi wa ufugaji samaki shirika la Farm Africa.

Mafunzo hayo amesema yamehusisha kuunganisha wafugaji wa samaki na soko ambapo sasa wataweza kuuza samaki kwa njia  kama vile samosa,keki, kebab na baga, njia ambazo amesema zinaongeza thamani ya samaki na pia kuondolea wafugaji hasara ya samaki kuharibika haraka .

"kwasasa tumefunza wakulima 112 mafunzo ya kiufundi na wengine 105 kuhusu biashara. pia tumekuwa na maonyesho ya mauzo mbadala ya bidhaa za samaki kama vile kebab, samosa na vinginevyo ambavyo vitapanua soko na pia kuongeza thamani ya nyama ya samaki."

Vyakula mbalimbali kutoka nyama ya samaki



Kulingana na Zablon Komora mfugaji wa samaki eneo la delta, uvuvi wa samaki mtoni umeathirika pakubwa kutokana na kubadilika kwa hali ya anga ,maji kupungua mtoni ambako kumechangia kupungua kwa samaki huku binadamu wakichangia kuchafua mto kutokana na shughuli zao za kila siku.

"changamoto saa hii ni kwamba hali ya anga imeanza kubadilika, hapa karibu na mto maji yamepungua na kusababishia samaki kuanza kupotea isitoshe wanadamu nao wameingilia mto kufanya shughuli ambazo zimeathiri kiwango cha maji na wengine hutupa uchafu mtoni unaoathiri samaki."
Zablon komora- mfugaji samaki Tana River



Hata hivyo anasema kuwa mafunzo ya Farm Africa yamewasaidia huku sasa wakazi wanaojihusisha na biashara ya samaki wakizamia kukuza samaki kwa vidimbwi, hali anayosema imewawezesha kupata mkate wao wa kila siku pasi na kutegemea misimu mbalimbali wakati uvuvi hunoga. 

Aidha amehoji kwamba ni rahisi kufanya biashara kwani mtu anaweza fanya ufugaji wa samaki nyumbani kwake.

"soko la samaki Tana River ni kubwa sana na mafunzo haya ya ufugaji wa samaki kwa vidimbwi ni ya manufaa kwa wakulima na jamii. maeneo mengi hapa Tana River yana mazingira mazuri ya kufuga samaki hivyo mtu anaweza akafuga samaki nyumbani kwake ama shambani na kujikimu kimaisha."
Anourd Meirgberg -mshauri wa kiufundi shirika la giz


 Anourd Meirgberg ambaye ni mshauri wa mambo ya kiufundi kutoka shirika la kijerumani GIZ, ufugaji wa samaki kwa vidimbwi utawezesha wafugaji kufanya biashara yao pasi na kuzingatia misimu pekee. 

Hilo anasema litaongeza kipato kwa wafanyibiashara ambao wataweza kufanya mahesabu yao na kujua kiwango cha fedha wanachotarajia kutokana na idadi au aina ya samaki wanaofuga.


Comments

Post a Comment

Popular posts from this blog

NG'OMBE 1,036 TANA RIVER KUCHINJWA KATIKA MPANGO WA SERIKALI KUKABILI MAKALI YA KIANGAZI NCHINI

-
Image
NA DENNIS MAITHYA Serikali kupitia shirika la msalaba mwekundu inalenga kununua na kuchinja ng’ombe 1,036 waliodhoofika  kaunti ya Tana River katika mpango wake wa kupunguza hasara kwa wafugaji kutokana na ukame ambao makali yake yanazidi kung'ata. (picha ya hifadhi:mzoga wa mfugo aliyekufa kutokana na ukame Tana River 2021) kwa mujibu wa mratibu wa shirika la msalaba mwekundu Tana River Gerald Bombe eneo la Tana Kaskazini ambalo limeathirika zaidi limetengewa asilimia 40 ya ng'ombe ambayo ni sawia na ng'ombe 414, Galole asilimia 35 ambayo ni ng'ombe 363 huku Delta ikipewa asilimia 25 ambayo ni ng'ombe 259. "kutokana na utathmini wa CSG Tana North imeathirika zaidi. Galole kwa wakati huu imeathirika zaidi kuliko delta tofauti na kawaida ambapo Delta huathirika lakini angalau imeshuhudia mvua kiasi kulinganishwa na maeneo mengine  "     picha hifadhi Mratibu wa shirika la msalaba mwekundu Gerald Bombe katika wadi ya wayu Bombe ameongeza kuwa idadi hiyo ya
Read more

TANA RIVER : BARAZA LA WANAHABARI NCHINI (MCK) LAHIMIZA USHIRIKIANO BAINA YA WANAHABARI NA UMMA

-
Image
NA DENNIS MAITHYA . Mratibu wa baraza la kitaifa la wanahabari nchini (MCK) eneo la pwani Bi. Maureen Mudi ametoa wito kwa wanahabari kuzingatia kanuni za uanahabari msimu huu wa uchaguzi ili kuhakikisha usawa wa utoaji habari . Akizungumza katika kongamano lililokutanisha mck, wanahabari na washikadau wengine mjini Hola kaunti ya Tana River, Mudi ameelezea umuhimu wa ushirikiano baina ya asasi mbalimbali za jamii na wahabari , pamoja na umma kufahamu utendakazi wa wanahabari. "Kongamano hili linakutanisha wananchi wa mashinani na wanahabari kuwaeleza utendakazi wa wanahabari na majukumu ya vyombo vya habari ikiwemo utoaji wa habari kwa njia zinazostahili ."   Mratibu huyo ameongeza kuwa baraza la kitaifa la wanahabari limeandaa misururu ya mafunzo kwa wanahabari uchaguzi mkuu unapowadia ili kuhakikisha wanaripoti matukio yanayohusiana na uchaguzi kwa njia ya usawa. "kama mck tumekuwa tukifanya mafunzo kwa wanahabari tunapoelekea uchaguzini.Himizo langu ni kwamba watoe
Read more

TANA RIVER : WANASIASA WAONYWA DHIDI YA SEMI ZA CHUKI NA KAMPENI ZA USIKU

-
Image
    Kamishna wa Tana River Thomas Sankei akiidhinisha msafara wa amani                                                                                       NA DENNIS MAITHYA                                                                                                                          Naibu   kamishna kaunti ya Tana River Joseph Lenkarie ameonya wanasiasa kaunti hiyo  dhidi ya semi za chuki na uchochezi  katika kipindi kilichosalia kabla ya uchaguzi mkuu. Akiongoza msafara wa matembezi ya kuhamasisha amani katika mji wa Hola Jumatano wiki hii, Lenkarie amesema kuwa serikali ipo makini sana kuhakikisha hakuna mwanasiasa atakaye vuruga amani ya jamii kwa kutoa kauli za chuki na uchochezi.     "wale wanaongea semi za chuki na kuchochea tutawachukulia hatua. watu wetu wako kwa nyanjani wanasikiliza vile mnaendelea." Naibu kamishna Tana River Joseph Lenkarie Kadhalika ametoa onyo kwa wanasiasa watakao kiuka sheria zilizowekwa za kufanya kampeni huku akiwataka kuzingatia
Read more