TANA RIVER : WANASIASA WAONYWA DHIDI YA SEMI ZA CHUKI NA KAMPENI ZA USIKU

-

   

Kamishna wa Tana River Thomas Sankei akiidhinisha msafara wa amani
                                                                                   
  NA DENNIS MAITHYA                                                                                                                         Naibu  kamishna kaunti ya Tana River Joseph Lenkarie ameonya wanasiasa kaunti hiyo  dhidi ya semi za chuki na uchochezi  katika kipindi kilichosalia kabla ya uchaguzi mkuu.

Akiongoza msafara wa matembezi ya kuhamasisha amani katika mji wa Hola Jumatano wiki hii, Lenkarie amesema kuwa serikali ipo makini sana kuhakikisha hakuna mwanasiasa atakaye vuruga amani ya jamii kwa kutoa kauli za chuki na uchochezi.   

"wale wanaongea semi za chuki na kuchochea tutawachukulia hatua. watu wetu wako kwa nyanjani wanasikiliza vile mnaendelea."

Naibu kamishna Tana River Joseph Lenkarie

Kadhalika ametoa onyo kwa wanasiasa watakao kiuka sheria zilizowekwa za kufanya kampeni huku akiwataka kuzingatia muda uliotengwa kufanya shughuli hiyo ya utafutaji kura.

"Hata wale ambao wanafanya mambo yao usiku. Kampeni ni kuanzia saa kumi na mbili asubuhi hadi saa kumi na mbili jioni. yale masaa hayaruhusiwi tuwache."

Lenkarie amehakikisha kuwa serikali itashirikiana na kamati za amani kaunti hiyo huku akisihi kamati hizo kuwa tayari wakati wowote wakihitajika .


Msafara huo wa amani vile vile ulivutia baadhi ya wanasiasa wanaogombea nafasi mbalimbali za uongozi kaunti ya Tana River, wote wakihimiza wakazi na wanasiasa wenzao kudumisha amani wakati uliosalia wa kampeni, wakati na hata baada ya uchaguzi.

"Lengo letu viongozi ni kuhakikisha tunakuwa na uchaguzi wa amani. mwananchi apige kura kwa amani na arudi kusubiri matokeo kwa amani." Alisema Ali Dhadho mgombea wa uwakilishi wadi chewani.

Mgombea mwingine wa uwakilishi wadi ya Chewani Richard Ogwoka ametoa wito kwa jamii kuwapa nafasi wagombea viti mbalimbali kuuza sera zao ili wapate kiongozi aliye na mipango bora zaidi kwa wakazi.

"Kama kiongozi yeyote anakuja kwenu kuuza sera nyinyi kama wananchi mkae chini msikilize amalize aondoke, mwingine akija vivyo hivyo . siku ya kura mtaamua wenyewe ni nani mwenye sera za kutatua matatizo yaliyomo ."

Aidha amepongeza wakazi wa Tana River kwa kudumisha amani akisema kuwa kwasasa anahisi kuna ukomavu wa kisiasa kwani hakuna sehemu yoyote Tana River ambayo imeripotiwa kushuhudia fujo wakati wa kampeni.

Ibrahim Wayu anayegombea kiti cha uwakilishi wadi Mikinduni aidha amesisitiza uwepo wa amani ambayo anasema ndiyo uti wa mgongo wa maendeleo ya kiuchumi na endapo inakosekana shughuli nyingi za kibiashara zitaathirika. 


 

 

 

                                                                                                                                                                                                                                                                                                                                                                                      

Comments

Post a Comment

Popular posts from this blog

NG'OMBE 1,036 TANA RIVER KUCHINJWA KATIKA MPANGO WA SERIKALI KUKABILI MAKALI YA KIANGAZI NCHINI

-
Image
NA DENNIS MAITHYA Serikali kupitia shirika la msalaba mwekundu inalenga kununua na kuchinja ng’ombe 1,036 waliodhoofika  kaunti ya Tana River katika mpango wake wa kupunguza hasara kwa wafugaji kutokana na ukame ambao makali yake yanazidi kung'ata. (picha ya hifadhi:mzoga wa mfugo aliyekufa kutokana na ukame Tana River 2021) kwa mujibu wa mratibu wa shirika la msalaba mwekundu Tana River Gerald Bombe eneo la Tana Kaskazini ambalo limeathirika zaidi limetengewa asilimia 40 ya ng'ombe ambayo ni sawia na ng'ombe 414, Galole asilimia 35 ambayo ni ng'ombe 363 huku Delta ikipewa asilimia 25 ambayo ni ng'ombe 259. "kutokana na utathmini wa CSG Tana North imeathirika zaidi. Galole kwa wakati huu imeathirika zaidi kuliko delta tofauti na kawaida ambapo Delta huathirika lakini angalau imeshuhudia mvua kiasi kulinganishwa na maeneo mengine  "     picha hifadhi Mratibu wa shirika la msalaba mwekundu Gerald Bombe katika wadi ya wayu Bombe ameongeza kuwa idadi hiyo ya
Read more

TANA RIVER : BARAZA LA WANAHABARI NCHINI (MCK) LAHIMIZA USHIRIKIANO BAINA YA WANAHABARI NA UMMA

-
Image
NA DENNIS MAITHYA . Mratibu wa baraza la kitaifa la wanahabari nchini (MCK) eneo la pwani Bi. Maureen Mudi ametoa wito kwa wanahabari kuzingatia kanuni za uanahabari msimu huu wa uchaguzi ili kuhakikisha usawa wa utoaji habari . Akizungumza katika kongamano lililokutanisha mck, wanahabari na washikadau wengine mjini Hola kaunti ya Tana River, Mudi ameelezea umuhimu wa ushirikiano baina ya asasi mbalimbali za jamii na wahabari , pamoja na umma kufahamu utendakazi wa wanahabari. "Kongamano hili linakutanisha wananchi wa mashinani na wanahabari kuwaeleza utendakazi wa wanahabari na majukumu ya vyombo vya habari ikiwemo utoaji wa habari kwa njia zinazostahili ."   Mratibu huyo ameongeza kuwa baraza la kitaifa la wanahabari limeandaa misururu ya mafunzo kwa wanahabari uchaguzi mkuu unapowadia ili kuhakikisha wanaripoti matukio yanayohusiana na uchaguzi kwa njia ya usawa. "kama mck tumekuwa tukifanya mafunzo kwa wanahabari tunapoelekea uchaguzini.Himizo langu ni kwamba watoe
Read more