TANA RIVER: WAGOMBEA TANO KATI YA 12 WANAOWANIA KITI CHA SENETI WAIDHINISHWA RASMI NA IEBC KUFIKIA SIKU YA PILI

-

NA DENNIS MAITHYA

 Tume huru ya uchaguzi na mipaka nchini IEBC kwa siku ya pili imeendelea kukagua stakabadhi za wanasiasa wanaowania viti mbalimbali vya kisiasa ili kuwaidhinisha rasmi kama wagombea wa viti hivyo.

Kufikia leo jioni tarehe 30 Mei,  meneja wa uchaguzi kaunti ya Tana River Yonah Ogalo amedhibitisha tume hiyo kuidhinisha rasmi wagombea tano wa kiti cha seneti, idadi hiyo ikiwa ni asilimia 41.6 ya jumla ya wawaniaji kumi na wawili wanaotarajiwa kuwasilisha stakabadhi zao.

Yonah Ogalo , meneja wa uchaguzi Tana River akiongea na wanahabari kwenye kituo cha kuidhinisha maseneta.

Miongoni mwa wagombea tano wa useneti walioidhinishwa rasmi kufikia sasa ni aliyekuwa seneta wa kwanza wa  Tana River Ali Bule anayewania kupitia chama cha Federal Party  of Kenya (FPK).

Ali Bule aliyekuwa seneta wa Tana River

Danson Mungata , aliyekuwa mbunge wa Garsen ambaye sasa anawania useneta kupitia chama cha UDA kilicho kwenye muungano wa Kenya kwanza chini ya uongozi wa naibu Rais William Ruto.

Danson Mungatana (katikati) baada ya kuidhinishwa

Kigogo mwengine aliyeidhinishwa ni aliyekuwa mbunge wa Galole Hassan Dukicha almaarufu "Gorfo Kayyo" ambaye sasa anawania kiti hicho kupitia chama cha Jubilee kilichopo kwenye Muungano wa Azimio One Kenya .

Hassan Dukicha (kushoto) akipokezwa cheti cha kuidhinishwa

Chama kipya cha Pamoja African Alliance kinachoongozwa na gavana wa Kilifi Amason Kingi aidha kitawakilishwa na Bakari Garisse.

Bakari Garisse (katikati) baada ya kupokea cheti kutoka IEBC

Sadam Salat mchanga zaidi kwenye orodha ya wagombea kiti hicho walioidhinishwa kufikia sasa atapeperusha bendera ya chama cha ANC kinachoongozwa na Musalia Mudavadi. 

Sadam Salat (kushoto) akipewa cheti na Yonah Ogalo meneja wa uchaguzi Tana River

Wagombea baada ya kuidhinishwa wametoa wito kwa washindani wote kufanya siasa za amani zinazozingatia sera.

wakati uo huo Mungatana ametuma risala za rambi rambu kwa ndugu na jamaa za mbunge wa Rabai William Kamoti wa ODM aliyefariki kwenye ajali ya barabarani saa chache baada ya kuidhinishwa na IEBC kutetea kiti chake.

"Natoa rambirambi zangu kwa familia ya  marehemu william Kamoti ambaye alikuwa wakili mwenzangu na wakazi wa Rabai kwa jumla na kwa chama chake pia ODM kilikuwa kimeshakamilisha mipango yake."Mungatana.

 Hapo kesho tarehe 31 wawaniaji 7 kati ya walioonyesha azma yao wanatarajiwa kufika ikiwa ni siku ya tatu kama ilivyoratibiwa na IEBC.

Baadhi ya wanaotarajiwa ni Seneta wa sasa Juma Wario,aliyekuwa naibu gavana Jire Siyat na Maur Bwanamaka miongoni mwa wengine.

Comments

Post a Comment

Popular posts from this blog

NG'OMBE 1,036 TANA RIVER KUCHINJWA KATIKA MPANGO WA SERIKALI KUKABILI MAKALI YA KIANGAZI NCHINI

-
Image
NA DENNIS MAITHYA Serikali kupitia shirika la msalaba mwekundu inalenga kununua na kuchinja ng’ombe 1,036 waliodhoofika  kaunti ya Tana River katika mpango wake wa kupunguza hasara kwa wafugaji kutokana na ukame ambao makali yake yanazidi kung'ata. (picha ya hifadhi:mzoga wa mfugo aliyekufa kutokana na ukame Tana River 2021) kwa mujibu wa mratibu wa shirika la msalaba mwekundu Tana River Gerald Bombe eneo la Tana Kaskazini ambalo limeathirika zaidi limetengewa asilimia 40 ya ng'ombe ambayo ni sawia na ng'ombe 414, Galole asilimia 35 ambayo ni ng'ombe 363 huku Delta ikipewa asilimia 25 ambayo ni ng'ombe 259. "kutokana na utathmini wa CSG Tana North imeathirika zaidi. Galole kwa wakati huu imeathirika zaidi kuliko delta tofauti na kawaida ambapo Delta huathirika lakini angalau imeshuhudia mvua kiasi kulinganishwa na maeneo mengine  "     picha hifadhi Mratibu wa shirika la msalaba mwekundu Gerald Bombe katika wadi ya wayu Bombe ameongeza kuwa idadi hiyo ya
Read more

TANA RIVER : BARAZA LA WANAHABARI NCHINI (MCK) LAHIMIZA USHIRIKIANO BAINA YA WANAHABARI NA UMMA

-
Image
NA DENNIS MAITHYA . Mratibu wa baraza la kitaifa la wanahabari nchini (MCK) eneo la pwani Bi. Maureen Mudi ametoa wito kwa wanahabari kuzingatia kanuni za uanahabari msimu huu wa uchaguzi ili kuhakikisha usawa wa utoaji habari . Akizungumza katika kongamano lililokutanisha mck, wanahabari na washikadau wengine mjini Hola kaunti ya Tana River, Mudi ameelezea umuhimu wa ushirikiano baina ya asasi mbalimbali za jamii na wahabari , pamoja na umma kufahamu utendakazi wa wanahabari. "Kongamano hili linakutanisha wananchi wa mashinani na wanahabari kuwaeleza utendakazi wa wanahabari na majukumu ya vyombo vya habari ikiwemo utoaji wa habari kwa njia zinazostahili ."   Mratibu huyo ameongeza kuwa baraza la kitaifa la wanahabari limeandaa misururu ya mafunzo kwa wanahabari uchaguzi mkuu unapowadia ili kuhakikisha wanaripoti matukio yanayohusiana na uchaguzi kwa njia ya usawa. "kama mck tumekuwa tukifanya mafunzo kwa wanahabari tunapoelekea uchaguzini.Himizo langu ni kwamba watoe
Read more

TANA RIVER : WANASIASA WAONYWA DHIDI YA SEMI ZA CHUKI NA KAMPENI ZA USIKU

-
Image
    Kamishna wa Tana River Thomas Sankei akiidhinisha msafara wa amani                                                                                       NA DENNIS MAITHYA                                                                                                                          Naibu   kamishna kaunti ya Tana River Joseph Lenkarie ameonya wanasiasa kaunti hiyo  dhidi ya semi za chuki na uchochezi  katika kipindi kilichosalia kabla ya uchaguzi mkuu. Akiongoza msafara wa matembezi ya kuhamasisha amani katika mji wa Hola Jumatano wiki hii, Lenkarie amesema kuwa serikali ipo makini sana kuhakikisha hakuna mwanasiasa atakaye vuruga amani ya jamii kwa kutoa kauli za chuki na uchochezi.     "wale wanaongea semi za chuki na kuchochea tutawachukulia hatua. watu wetu wako kwa nyanjani wanasikiliza vile mnaendelea." Naibu kamishna Tana River Joseph Lenkarie Kadhalika ametoa onyo kwa wanasiasa watakao kiuka sheria zilizowekwa za kufanya kampeni huku akiwataka kuzingatia
Read more